- Advertisement -
ليه نخاصم بعضنا وتتملي عيونا دموع ؟
ليه بننسى ودنا وتنطفي بايدنا الشموع ؟
ليه نفتكر بس الاسى وننسى كل شئ جميل ؟
ليه بنقفل قلبنا ونعيش في وهم ومستحيل ؟
هي عشرتنا اللي بينا مش كفيلة تنسينا السراب ؟
ولا العشرة هانت علينا واخدنا ع الضباب ؟
دي الحياة بتكون جميلة لو نعيش من غير فراق
والجمال بنعيشه اجمل لو خلينا بالنا راق
-- Advertisement --
ياطيور يامهاجرة عودي موسم الخير اتفتح
ياطيور بلاش تغيبي ده الخصام بينا اترفع
دا احنا عايشين ع الامل اللي بينا من زمان
يلا نمسك بعضنا يلا ننسى اللي كان
هي دنيا وبكره اخره خلونا نعيشها في وئام
ربنا جعلها تعارف مش فراق ولا خصام
ربنا حكم مابينا وقال لنا ده الصلح خير
واللي يصفح واللي يعفو هو ده القلب الكبير
-- Advertisement --
