- Advertisement -
مادام الأسف وعلى إيه
أسفك ذاتو ما عارفو !!!
إلا يكون على تقدير قلب
ليك الحنين جارفو
وخيال أخلى المساحات ليك
هجر أحبابو ومعارفو
ولا على عشوق سهران
بشوفك والدمع زارفو
يامالي المساحات صد
جفا وهجران بدون أسباب
وزحمة افتراء وظنون
فتحت ليها مليون باب
بقيت محير الأفكار
سؤال مالاقية ليهو جواب
مالي حواسى شوق وحنين
ويبقى حضورى فيك غياب؟!
-- Advertisement --
-- Advertisement --
