الكاريزما ضحى خالد أيقونة طاقة إيجابية.

بقلم – أميرة علي ذوالفقار

“من رحم المعاناة يولد الأمل” ولكن قلة من ينطبق عليهم هذا القول،قليل من يحولون مأساتهم لنقطة إنطلاق لحياة جديدة.. ومن هؤلاء ممن تحدوا الصعاب ضحى ، ضحى بنت من بنات مصر اللاتي يثبتن كل يوم أنه لا يوجد معهن كلمة مستحيل ، ضحى التي تعرضت لحادث غير لها خططها وحياتها ، إلا أنها رفضت الخضوع و الاستسلام وأن تكون مجرد قعيدة على كرسي في ركن من أركان المنزل حزينة على ما فقدت ! … وبكل عزيمة وإرادة وأمل استطاعت ضحى أن تقهر الحادث الأليم ، شاهدت لها فيديو وهي ذاهبة لغرفة العمليات لإجراء عملية البتر وبدلاً من أن يهدئها الطبيب كانت تقول له هي ، مالك متوتر يا دكتور !! وكانت تضحك وكلها أمل ويقين بالله فأستوقفني ذلك الفيديو ،وتأكدت أنني أمام بطلة حقيقة تتحدى جميع العقبات. ضحى خالد والتي كانت تحلم بأن تكون نجمة من نجمات عالم الفن .. دعونا نتعرف أكثر عن عالم ضحى على لسانها .. اسمي : ضحى خالد محمد وصفي ، عمري 28 عام ، حصلت على بكالوريوس إدارة أعمال ثقافة وعلوم جامعة أكتوبر .. منذ صبايا و انا لدي حلم بدخول عالم التمثيل ، و اشتغلت على تحقيق حلمي والتحقت بأحد ورش التمثيل وتحقق الحلم و صعدت

لخشبة المسرح في فبراير 2021 وفي الوقت اللي افتكرت أن الدنيا خلاص بتضحك ليا ، حدثت لي حادثة قبل يوم من حضور أول بروفة حقيقية وتحقيق أول آمالي بالوقوف داخل الـ لوكيشن ؛ حدث ما حدث ، وقعت لي الحادثة والتي كانت سبب في تغيير نسبي لنمط أحلامي و آمالي… …… بالعكس أنا بحب افتكر الحادثة علشان يزيد عزمي و قوتي ، الحادثة كانت ببساطة كده تريلا داست على “رجليا” ليكي بقى انتي تتخيلي هيكون ايه الوضع ، سنتين من وقت الحادثة وأنا زبون شبه مستمر على المستشفيات ، باختصار كده اقولك ” إني عملت عمليتين بتر في رجلي اليمين و الشمال فيها مشاكل كتير بسبب الكسر و لحم مش موجود . …… الفترة دي عدت عليا صعبة جداً كل شوية ادخل المستشفى واعمل عمليات مرة تنجح و عشرة تبوظ ، والمشكلة أن كل عملية مترتبة على التانية ، المشكلة اللي كانت بتواجهني ان مفيش دكتور عظام عاوز يعمل لي عملية تعالج كسور رجلي الشمال علشان مفيش لحم ، لحد هنا قررت اني اكمل علاجي في البيت وبدأت بالمتابعة مع دكتور جراح… ……. كان كل أملي في الفترة دي إني أعمل طرف صناعي في رجلي اليمين علشان اقدر اقف على رجلي من تاني لدرجة اني قلت للدكاترة خلاص اعملو بتر لرجلي الشمال ، المهم عندي اني أقف على رجليا تاني علشان أكمل طريقي و تحقيق حلمي ،

وبالفعل دكتور الجراحة اللي بتابع معاه اقنع دكتور عظام بإجراء العملية على مسؤوليته الشخصية ، وأخيراً تم إجراء العملية و ركبت الطرف الصناعي بقدمي اليمنى وتمكنت من الوقوف على رجليا من جديدك . ……… خلال فترة العلاج الطويل واللي استمرت حوالي سنة حاولت استغلالها واشتغلت على نفسي ورجعت اعمل فيديوهات تاني و كنت بحاول اعمل أفكار وما كنتش بتكلم على السوشيال ميديا عامه عن الحادثة خالص كنت بتعامل طبيعي وبعمل نفسي محتوايا اللي كنت بعمله اللي هو تمثيل بعيد بقى عن الحادثة وبعيد عن اي حاجه وعلى فكره دي حاجه من الحاجات اللي خلتني احسن اني كنت بلهي نفسي في الموضوع ده بدل ما افضل قاعده وبصه على رجلي ومستنيه الفرج فكنت بعمل حاجه بحبها واخرج من اللي انا فيه وكنت باخد كورسات ‏english وحاجات زي كده اي حاجه بسلي فيها نفسي بس طبعا تفكيري الاساسي كان في التمثيل لان دي الحاجه اللي انا بحبها حتى لو ما كانش عندي امل ان انا اخف تاني او ارجع امثل تاني بس كانت حاجه بحبها محتوى القناه عندي تمثيل وتقليد حاجات كلها فاني وحاليا رجعت المسرح تاني وابتديت انزل بروفات تاني مع الفرقه اللي كنت معاهم رجعنا تاني وبشارك معاهم دلوقتي حتى لو مش قادره امثل بشارك معاهم مساعده مخرج وان شاء الله كمان همثل معاهم يعني هفرض نفسي عليهم وهمثل بالعافيه ،فرقه المشاغبين وبنعرض المسرحيات على مسرح الهوسابير في وسط البلد ، وكمان بنزل الجيم . وختمت حديثها بأن عانت ومرت بظروف قاسية ومؤلمة جداً ولكن بإيمانها وارداتها وعزيمتها استطاعت أن تتخطى الالم العمليات ،مؤكدة أن الإرادة والعزيمة تقهران المستحيل.