- Advertisement -
الام
هى اللى كبرت علمت طببت وداوت
هى اللى اللى سندت فى الصغر
ووقفت فى الضهر فى الكبر
هى اللى ربت وحنت ولمت
هى اللى كدبت لما قالت شبعانه علشان تسيبها ليهم
هى اللى ضحت لما احتاجوا
هى اللى خبت حزنها ووجعها علشان تفرحهم
هى اللى خبت ضعفها علشان تقويهم
هى اللى دارت عيوبهم
هى اللى وقت الحصاد تقف اخر الصف حتى لو وصلت والحصاد خلصان
ووقت الخطر اول الصف علشان تدارى عنهم الخطر بروحها
هى اللى لو نزلت دموعها من كلمه قاسيه منهم قلبها ناجى ربها تقوله مش قصدهم سامحهم
هى الكلمه اللى تطمن
والحضن اللى يطبطب
هى القلب اللى عمره مايتقفل الا عليهم وهم جواه مش منهم
هى الايد اللى مرفوعه للسما تدعيلهم
-- Advertisement --
هى اللى لو تشكلت قلوبهم وبقت حديد
عرفت ان الحديد هايصدى فى يوم
واحتفظت بقلبها زى الطين اللين يطلع خضاره وزهره لما تمطر عليه كلمه منهم او لمسه من ايديهم
هى اللى بتسامح بسرعه ومش محتاجه مجهود منهم
هى اللى ممكن كلهم يظلموها بس المهم مايظلموش بعض
هى موافقه ان كلهم ينسوها بس يفتكروا بعض
هى اللى قسوتها ضعف بيشوفوه فى عيونها ويضحكوا عليه
وضعفها قوه بيخوفهم عليها
هى وحش كاسر فى وش اللى يفكر ياذيهم ولو بكلمه فى حقهم
وحمل وديع قدام عيونهم
هى نار تحرق اللى يضرهم
وجنه للى يحبهم
قويه ليهم مش عليهم
مايكسرهاش غير احساسها بالعجز قدامهم
لكل ام
فى يوم الام اذا انتى الام دى يبقى
كل سنه وانتى طيبه وربنا يرزقك برهم حتى لو غايبه عن الدنيا
الام عطاء
-- Advertisement --
