وزير العدل .. التحقيق مع المستشارة نهى الامام بالتعدى على ضابط شرطة بالقاهرة

بقلم بدران ابوعوف..

مريضة نفسيا وعندها ظروف صحية واضطراب في هرموناتها ، إزاي متسابة لحد دلوقت تحقق مع متهمين وتفصل في قضايا وتصدر أحكام ؟؟!!
معنى كده ان كل التحقيقات اللي باشرتها سيادة المستشارة ، وكل الأحكام اللي أصدرتها يشوبها العوار والبطلان بحكم انها – زي ما انتوا بتقولوا – مريضة نفسيا وغير مسئولة عن تصرفاتها ،
عموما اللي يقرا التصريح اللي أصدره سيادة وزير العدل ،يقدر بكل سهولة يستنتج من بين سطوره ان القرار اللي تم اتخاذه بالفعل هو عزلها من وظيفتها وإحالتها للتقاعد ,
كانت تقدر بكل بساطة تنهي الموقف السخيف ده بإظهار الكارنية مش عيب وتلتزم بالتعليمات وتدخل المحكمة بالكمامة والمفروض تبقي عارفه أن التصوير في المحكمة ممنوع
والظابط المفروض لا يهدد بالرمي في الحجز بهذا الأسلوب …إنما فيه تعالي في الاسلوب اللي الاثنين متعودين علية مع البسطاء وظهر لما اصطدمو ببعض في مشهد يجب الوقوف عنده كثيرا ….مشهد أساء للجهتين
النيابة الإدارية والمنوط بها التعامل مع طبقة الموظفين من كل القطاعات يجب أن تكون نموذج يحتذي به في التعامل وقدر أصدر المستشار وزير العدل تصريح مع الإعلامي أحمد موسى فى برنامج على مسئوليتى التحقيق مع المستشارة نهى الامام بسبب التعدى على ضابط شرطة بالقاهرة أثناء تأدية عمله
…يجب أن يكون ذلك الموقف بداية لمحاسبة كل متجاوز في مجال عمله لأن التجاوز أصبح اسلوب عند البعض !!!