كتبت دكتورة لبني يونس..بعشقك يا مصر بعشقك. …

بعشقك… يا مصر بعشقك… في صمتي، وفي كلامي، بعشقك وأنا صاحي، وبعشقك في منامي وأحلامي. بعشقك يا بلادي… وعشقك هو قوتي، وزادي، وزوادي. بعشقك… وعشقك يا مصر هو حياتي، ولو كان في عشقك موتي، أموت وأنا راضي. بعشقك… بعشق رملك وسماكي، وعلى ضفاف نيلك بعشق أسمع حكاياتك ومواويلك. بعشقك… قوية، وعفية، وبنت جميلة، رغم سحرها وجمالها… مستحية. بعشقك… نصرة، وعزة، وفاردة جناحك على الكل، تضمي ده، وتواسِي ده، وفي عطائك للجميع… سخية. بعشقك… واقفة، وصامدة، وأبية، ورغم الجراح تقولين: “مفيش حاجة”… ورغم الخيانة والغدر… تفضلي قوية. بعشقك… أمًّا تشيل الكل، وتسند الجميع، وعمرك ما قلتي: “تعبت” ولا اشتكيتي يومًا من اللي فيكِ. بعشقك… يا ست الكل، دايمًا مسنودة بولادك… خير أجناد الأرض، وتقولي بكل فخر: أنا أم الدنيا… ولا حد يقدر عليَّ. آهٍ يا مصر… ما أعظمك، وما أجمل عشقك… فأنا بعشقك.