- Advertisement -
بطل تقول إنك
بتحب من قلبك
وأنا قلبي شاف منك
عذاب وأنا جنبك
أحزان كتير عاشت
جوايا محفورة
والقسوة كات طبعك
خلتني مكسورة
حتى الدموع جفت
من كتر ما رويتك
بحنانى كنت أدويك
وف قلبى خبيتك
-- Advertisement --
بطل تبان مظلوم
تعمل كدا ناسي
وأنت مسيرك يوم
هاتدوق مرار كاسي
عمال تلف تدور
وعايزنى أتغير
إية ذنب قلبي يعيش
ف الحب متحير
خليت حيطان البيت
مش باقية ع العشرة
أتشققت نصين
على حب بان قشرة
مابقاش فاضل فيها
غير رسمة من حرفين
شوف كل أفعالك
ودت قلوبنا لفين
-- Advertisement --
