- Advertisement -
بس لما يكون اخر همك مين قال ومين هيقول…
بس لما يكون كل همك انت عملت ايه وحققت ايه وايه انجازاتك حتى لو كانت بالنسبالك صغيره…
بس لما تكون الضحكه من قلبك صافيه مهما كنت بتعانى من ضغوط…
بس لما تقدر تقول الصدق واللى حاسس بيه من غير خوف ولا حسابات للمصلحه …
بس لما تفرح من قلبك لصاحبك اللى بيفرحك بنجاحه …
بس لما تقف فى المرايه تشوف روحك قبل شكلك …
بس لما تبطل تهتم باخبار الناس …
بس لما تشوف نفسك واخر همك هما شايفينك ازاى …
-- Advertisement --
بس لما تقف فى الشارع تضحك وتتصور زى الاطفال ….
بس لما تدخل تنام بليل وتسترجع يومك وتكون فخور انك كنت مصدر بهجه
وانك ماظلمتش حد…
بس لما تقدر تسمع كلمه بتضحك فى عز عياطك تضحك وتتلخبط دموعك مع ضحكتك….
بس لو قدرت تسيب صفحتك عامه ومش خايف حد يكتبلك انت كداب او ظالم..
بس لو فهمت ان كتير يقدروا يقلدوا حاجات كتير فيك بس مستحيل يقلدوا بصمة روحك …
بس لو قلت الحمد لله على كل حاجه ومن قلبك…
وقتها بس تقدر تقول ان السن مجرد رقم وبجداره لانك عايش بعمر روحك مش سنينك
-- Advertisement --
