الاعلامى عبد الرحمن الغنيمى يعلن النتيجة سلبية من فيروس كورونا

خالد الرزاز ..

متابعينا على موقع وجريدة الجمهورية اليوم ننشر لكم اهم الاخبار للزميل الصحفى والاعلامى القدير الاستاذ عبدالرحمن الغنيمي بعد إصابته بفيروس كورونا وجريدة الجمهورية تواصلت مع علم من اعلام الصحافة ورمز من رموز محافظة الشرقية  الأستاذ عبد الرحمن الغنيمى والذى تحدث قائلا

الحمد لله رب العالمين انا مش مصدق بجد انا فى زهول حاسس انى فى حلم عشان قالوا
الخروج باكر لانى وافقت على إعطاء كيس بلازما كتابيا يعنى انا فعلا شوفيت ودمى ها ينفع لاثنين آخرين يكون سبب فى شفائهم؟ مش معقول بجد …
لانى كنت بشوف اللى بيدخل الصبح بيخرج ميت اخر اليوم وحالات متأخرة ..الخ
الحمد لله ..
الحمد لله …
بكرة احسن…
واللى جاى افضل
باذن الله.
….
ملحوظة هامة جدا
….
تم أخذ إقرار عليا بعدم احداث تجمعات أثناء الخروج باكر .. معلش بلاش حد من اهالينا أو أصحابنا يعمل حاجة اعلموا ان الفرحة فى القلب مش بالتجمعات وكفاية رسالة أو موبايل او تعليق فقط بلاش التجمهر بالله عليكم حفاظا على صحتكم اولا .. ولعدم وقوعنا تحت طائلة القانون والغرامات … انا بلغتكم لعدم الاحراج فى حالة رفضى للمقابلة …!!!! الموضوع مش سهل خالص ماحدش شاف اللى انا شفته من حالات الوفيات والناس بتتقلب زى السمك الصاحى ع السرير وأشياء أخرى كثيرة … احنا فعلا فى محنة لم تحدث من قبل
يارب ما حدش يشوف ولا يوصل لكدة خالص .. ياااارب
شكرا بجد لكم جميعا من اهلى واصحابى واحبابى … انتم فى القلب …