حسام هواش يكتب .. ميلاد النبى

حسام هواش ..

ميلاد النبى..
آدم اتوسل لربه وأقسم عليه بالزين
قاله ياآدم عرفت طه منين؟!
قاله يارب اسمه باسمك على كرسى العرش اتنين
عرفت يارب انه اليك حبيب وأقرب المقربين
وتاب عليه ربنا وهو شفيعه وشفيعنا يوم الدين
وكان فى صلب آدم لما اتخلق من طين
والملايكة لنور النبى فى ظهر آدم ناظرين
طلب من ربنا يخلى نور النبى فى الجبين
وامتد نور النبى فى الأنبياء المصطفين
وكان فى يوم مولده نور وحق مبين
وهو طفل صغير مات والديه الاتنين
اتربى طفل يتيم فتبارك الله احسن الخالقين
وكان ما بين القوم اسمه الصادق الأمين
اكرمنا بالحبيب ربنا ..الله أكرم الأكرمين
وكان تكريم ربنا لحبيبه انه رآه بالعين
فى رحله الاسراء صلى فى المسجدين
ورحلة المعراج ربنا والنبى لقاء حبيبين
بينه وبين ربنا أدنى من قاب قوسين
وأكرمه ربنا بالصلاة خمسة بثواب خمسين
وعشان رسالة الهية آمن بالنبى ملايين
عشان رساله الهية عايشة آلاف السنين
رسولنا خير الورى شفيعنا يوم الدين
سيدنا النبى محمد رسول المسلمين
حبيبى ياسيدنا النبى مين اللى زيك مين؟!
ياأبا الزهراء ياجد الحسنين مشتاق لنظرة عين
حبيبى حبيبى حبيبى ياسيدنا النبى