مدرس وافتخر

مين دلوقت ممكن يقبل

ييجي لبنته اي عريس !!!؟؟
ييجي مهندس… ييجي مدرس…
سواق توك توك ما تقوليش

أول حاجة يفك الكيس
بنته الغالية لازم تاخد احسن راجل تتمناه
لو يتقدم من غير أهله …راح تستاهله
بس كفاية إن الفيزا تكون وياه

قلت استنوا أي موظف ومعاه فيزة راح يتهنى
قاللي ويبقى زي الباشا وشكله كويس
دا اللي اتقدم للمحروسة .. يبقى مدرس

تقبل بنتك تبقى مصيرها وي مدرس !!؟؟
كل الناس هتقول دا خبيث
اللي بيخجل لما بيقبض حد يشوفه
يضرب فيزته ف اخر الليل
علشان بس يداري كسوفه

واللي الٱغرب ان العالم. …
ليه مش حاسس انه تعيس !!؟؟
وان الدولة بكل ما فيها اتفقوا عليه
قصدي اتفقوا على التٱسيس

لو ٱسسنا حياته الأول
كل الدولة راح تتحول
يومها هتقبل بنتك شغلة واحد بالتدريس

واحنا ساعتها حنرفع راسنا
بس يزيد لو مرة أساسنا

حسستونا إن عملنا ما لهوش فايدة
واحنا بنحرق روحنا
لاجل ننور عيشة غيرنا
زي الشمعة القايدة

انتو نسيتوا كلمة ( إقرٱ ) في القرآن
كانت أول كلمة قالها المولى للعدنان
حد بيعرف يقرا لوحده… يبقى يا سعده
لازم يرجع للتعليم

مش هنقول علم المواريث
كل علوم العالم لينا الفضل عليها
بنفسرها ونصورها في أبسط صورة
و بنرسمها على السبورة
ونعلمها لكل ولادنا و نعليها

يبقى ازاي هنعيش
من غير علم التدريس !؟؟؟
أعظم علم الناس عارفينه
واللي يعلم كل العالم
لازم فعلا يبقى عظيم

زي الشمس بتنشر نورها لاجل نعيش
هي الشمس بتاخذ أجرة أو بقشيش
بس ما حدش يقدر ينكر فضل الشمس ونور ها
وللا مكانها العالي ودورها

إنتو نسيتوا إن رسولنا الغالي لما اتكلم
قال أفضلكم مين !!؟؟
اللي ا تعلم علم الدين
واللي بعلمه و بتعليمه لغيره
ياخذ أجره بكل أمانة ويزيد خيره

ى اللي نسيتوا حنفكر كم
مين علمكم !!!؟؟؟؟
من ٱصغر واحد في الدولة
واللي هيوصل أعلى مكانة
حتى ان كان راح يبقى رئيس

راح نسألكوا بكل أمانة
عارفين إيه هيرد جميله !!!؟؟؟
مش بالمال و مرتب عالى
وإن الفيزا تكون مليانة
رغم ظروفه الصعبة بس الدنيا مش دريانة

رد جميله
إن ولاده طول العمر تغيب تدعيله
وإن الكل يقدر علمه
يعرف إيه معنى الشغلانة !؟؟؟
يعرف إيه معنى الأستاذ !!؟؟؟
يعني يكون انسان ممتاز

يعرف ليه كل الانبيا
وإن رسوله محمد كان استاذ !!!؟؟؟
هو النور اللي بيهدينا
ويعرفنا الخير والشر ونمشى عليه
ويعلمنا نقول الحق ونحكم بيه
حتى إن كان على كل ولادنا أو أهالينا

هو القدوة لكل حياتنا واحنا معاه
وإن كان يرضى
كفاية علينا

كلمة أخيرة هنقولهالك
ي اللي بتعمل بالتدريس
إرفع راسك
دا انت في عز و نعمة.
وخيرك من أعمالك يبقى كتير

ميهمكش الكادر
أصل الكادر كان تكدير

وما تسٱلشي إمتى هيعلي أساسك
واللي أساسه متين راح يثبت
عمره ما كان محتاج تغيير

وما تزعلشى
لو تتقدم للٱمورة
وما تقبلشى
طبعا عايزة عريسها ٱمير
وإنت فقير

فمينفعشى تكون للغالية عريس
بس ساعتها لازم تعرف
إن ٱبوها باع الغالي رخيص

وان العالم لو يخسرنا
مش راح يفضل
غير تهييس
مش راح يفضل
غير تهييس

سعيد حسان مصر ( مدرس وافتخر. )