- Advertisement -
الصاحب الجدع نادر
تلاقيه بقدره قادر
أبرة فى كوم قش
هو ده إللي ما يغش
ف أيام كلها غش
ووشوش تركيب
للمصالح بس تقش
الزمن بقي غدار
صاحب للمشوار
والمصالح تتصالح
بوش بارد كالح
يهرب تو مايخلص
وعمرة ما كان مخلص
قالوا الكبار ف الامثال
وبنتعلم من إللي بيتقال
-- Advertisement --
صحبك جيبك
وأخوك دراعك
واللي يسيبك
ما يبقي حبيبك
لا تبكي ع أللي باعك
صاحبك بقي للشر ساحب
يفرح بغل أما يشوفك ناحب
الصاحب صاحب جيبه
يستحمله مهما يعيبه
عمره ف يوم ما يسيبه
واللي كلامه كتير
يظهر ف الوش حبيب
وسواده ماليه وكبير
دايما من جواه بيغير
وعمرك ماتبقي منه قريب
وعجبي
-- Advertisement --
