ناكر المعروف والجميل ( بقلم / شيماء ربيع )

لما تعمل خير فى حد والحد دا يطلع مش تمام
وقليل الأصل وخسيس
بعد ما تعمل الخير معاه يطلع ندل وخسيس
وقليل الادب وواطئ
ليه الجميل ما بيتردش ليه الناس اللي الواحد
يقف جنبهم يطلعوا أندال وما يطمرش فيهم
الجميل والمعروف
الناس من كتر بجاحتهم وقلة أصلهم بينكروا
الخير والمعروف
الناس دي بتخلي اللي بيعمل جميل وخير
يندم عليه من كتر قلة أصلهم وندالتهم
بس ربنا يمهل ولا يهمل
داين تدان ولو بعد حين
أفعالك هتلف تلف وراجعالك
حسبي الله ونعم الوكيل في كل ظالم وأناني
حسبي الله ونعم الوكيل في كل آفاق ومنافق
حسبي الله ونعم الوكيل في كل خاين وفي كل
خاينة
حسبي الله ونعم الوكيل في الوشوش المتلونة
حسبي الله ونعم الوكيل في اللي بيتلون
وينافق لحد ما يوصل لمصلحته
ربنا عالم ومطلع بنوايا البشر
ربنا عالم ومطلع باللي جوة القلوب
مهما تتلون ومهما تنافق أنت مكشوف
لان اللي أقدامك أذكي منك مش محتاج أنك
تستذكي عليه
مهو الطيب شواف وربنا بينور بصيرته
بيحس وبيكشف نوايا اللي أقدامه علشان كدا
بيكون هو كمان جاهز في اي وقت للأنتقام
لان مش معقول بعد الخير دا كله هيسكت
المظلوم علي حقه
هيأخد حقه وزيادة
في ناس بتستني حقها في الآخرة
وفي ناس بتأخد حقها في الدنيا
علي حسب نوعية الشخص اللي أتظلم
وطريقة تفكيره
الظلم ظلمات يوم القيامة
أعرف وأتأكد أنك مهما تعمل وتنافق وتستندل
هتندم علي اللي عملته
لأن الشخص الطيب علي قد ما بيصبر علي حقه
علي أد ما بيعرف يأخد حقه بكل الطرق
في الزمن دا ما حدش يعمل خير غير في أماكن
الخير فقط المخصصة لعمل الخير
لكن تقف جنب شخص ويصعب عليك أوعا
لأن اللي بيصعب عليك في زمانا دا يفقرك
ما يصعبش عليك حد في الزمن دا
لأن الزمن دا زمن الغدارين المنافقين الكدابيين
المتلونيين للوصول إلي مصالحهم وأهدافهم
وبعد الوصول لأهدافهم ومصالحهم خلاص
بيظهروا علي حقيقتهم ما بيقدروش يدروا أكتر
من كدا مهي مصلحتهم خلصت بس الصبر
جميل كل واحد هيأخد حقه وزيادة
الظالم هيتظلم وهيدفع التمن غالي هو وأتباعه
والمظلوم هيأخد حقه وبزيادة وهيترد ليه حقه
أمام الجميع