- Advertisement -
يا محتارين بين البين
لا شايفين للشمس نور
ولا حتى للقمر ضى
أحنا كمان محتارين
لكن بنحاول
مرة نقدر ومرات نرجع
محتارين
وفي بحور الحيرة حيرانين
ما بين موج عالي يشيلنا لفوق
وموج أعلى قادر يفرقنا
لكن الخطوة وخدانا
وللوصول قادرين
ولو يوم الشر قدر
وقربنا من الخطر
محال يقدر على الخير شر
حنرفض شر أفكاركم
وتوصل تاني للبر ..
ونمسك طرف احلامنا
بخوف للموج يفرقنا
عن الحلم اللي قوانا
وشعاع من نور
في يوم زارنا
محال تحجبه عنا
سحابة يأس بتزورنا
ورافضينها
ورافضبن أننا نيأس
وبنعافر في وسط الموج
ما يقاش أدامنا أختيار
ما بين الموت والحياة
لنا القرار!
بس المهم نقدر نوصل
لنهاية المشوار
نرفض من تاني نستسلم
لذل سواد الأفكار
ولو كان الطريق صعب
لازم نكون قادرين
وأزاي نوصل يا بشر
لبر أمان من غير تعب
معقول من تاني
نسمع لأفكار الشيطان!
اللي ياما بوسوسته خرب أوطان!
ولسه في ناس رافضة تحاول
رافضة تقاوم سواد الأفكار
لو صحيح خايفين من بكرة
جمعوا صفوفكم في فكرة
انكم بالحب والعمل توصلوا
بالصبر والتعب حتقدروا
واوعوا لحظة تفكروا
لو انتم عاوزين تغرقوا
أعرفوا أنكم حتغرقوا لوحدكم
علشان محال نسمح لكم
لو حتى لحظة تغرقونا.
-- Advertisement --
-- Advertisement --
