- Advertisement -
ولاد الأصول رزق من عند الله تأمنهم عنك لو عرفواحاجة وحشة يخفوها ويستروا عليك ،و لو عرفوا عنك حاجة كويسة يفرحوا لك من قلبهم لو سمعوا عنك كلام وحش في قعده يردوا غيبتك وحتى لو زعلوا منك ميجيبوش سيرتك بأي حاجة وحشة . الراجل ابن الأصول عمره مايغلط ف أهل مرآته مهما حصل بينهم من مشاكل المشاكل بتحصل في كل بيت، لكن ابن الأصول هو بس اللي عمره مايغلط . وقيمة الأصل الجيد تظهر فى المواقف ولا تكون بالكلام فقط، فيجب أن يكون للأصل الجيد موقف حقيقى فى حياة الانسان، وليس مجرد وعود زائفة حتى نتهرب من أن نساعد بعضنا أو نرد الجميل لبعضنا البعض . وأصحاب واجب يعنى اللى اتربوا على الأصول و الأخلاق، و احترام الغير، و تقدير مشاعرهم مهما كان غنى، و لا فقير كبير أو صغير عندهم عزة نفس تلاقيهم مكسوفين أوي إذا أخدوا من حد حاجة أو إدوا حد حاجة مكسوفين في الحالتين ، الأخذ والعطاء . – عمرهم ما يمنوا على حد بعطائهم أبداً.. وعمرهم ما ينسوا فضل حد عليهم يقفوا جنبك فى كل المواقف حلوة أو مُره . ويراعوا مشاعرك ويحافظوا عليك . – اللى يغلط فيهم بيسامحوه إذا قدروا عليه و اللي يغلطوا فيه ميتكسفوش ابداً يعتذروا له مهما كان أقل منهم يساعدوا اللى يقدروا يساعدوه من غير تفكير عمرهم ما ياكلوا معاك عيش وملح ويتكلموا عليك أو يضربوا فيك من وراك لما تحتاجلهم تلاقيهم على طول أقرب ناس لك ، يسندوك ويقووك ويقفوا جنبك ومعاك بعد ربنا .
-- Advertisement --
-- Advertisement --
