- Advertisement -
اللي محدش غيرها يعرفها بالتفصيل
حتى أنا
لحد هذا الوقت
مدفونة بالسر وياها
فترة تعبها أكتر ست شهور
في حياتى كارهاها
لحد هذا اليوم 6/9/2014
تاريخ الوفاة ورحيلها عن عيني
زاد أنيني اتوجع قلبي
ودوايا في لقاها
فاكرة بالتفصيل كل شيء
من وقت المرض اللي سرقها من عيني
وخطفها لأجل الموت
الوقت كان بيفوت
وكأن سكينة بتعدي على قلبي
بتزيد الوجع والدم
ولا حد كان مهتم
الكل بيقول بكرا هتنسي
وفراقها هيعدي
ويابنتى فوقي وحاولي
تقبلي الأيام
بقى أمر واقع حياتك بدونها
فارقت خلاص الدنيا وارتاحت
كان سهل يعني عليك
تشوفيها بألآمها
كان سهل لما تروحي فتبكي قدامها
كنت قابلة تشوفيها مش قادرة تتكلم
حتى الألم مش عارفة تتألم
مش قادرة لو تصرخ
وتقول بصوت عالي
-- Advertisement --
كل اللي فيها ومن أي بتعاني
وتحكي اللي صابها
حتى الأطبة عجزوا عن حالها
ولا عرفوا الدوا اللي يعيد لها أحوالها
وقالوا خدوها تغيّر شوية الجو
وهما كانوا عارفين
خروجها بلا رجعة
فقدوا الأمل وقالوا اليأس من حالها
وقد كان مفاتتش أيام
وكانت روحها للسما طالعة
خبر الوفاة كانت صدمة هلكتني
روحي راحت مني وسابتني
ولحد هذا الوقت مرجعتليش
مش قادرة حياتي بدونها أعيش
مشتاقة جدا لتفاصيل حياتنا سوا
مش قادرة أنسى أي حاجة مابيننا
فاكرة كل الذكريات بتفاصيلها
مرت على الوفاة خمس سنين
ولسه لحد دلوقت كل يوم بيفوت
بيزيد عليّ فيه الأنين
ويشتد الحنين
نفسي تاني في حضنها لو ثانية
نفسي ترجع تشاركني في الأحلام
كنت بطمن عليها وبحس تاني الأمان
موجوعة من الكتمان
محتاجة أفضفضلها
نفسي في زيارة تقتل البركان
الثاير عليّ بغضب
ومكثف الأحزان
كلمات ..رانيا ابراهيم
-- Advertisement --
