مطلوب البحث عن ساحر

بقلم /اميره أحمد إبراهيم

مطلوب ساحر يكتشف طاقة ويشغل الشباب ويحارب ارهاب ويعلي بالاقتصاد ويطور بلد اسمنت واسفلت يعمل إنجازات مين يقول هات؟ طب ارضوا الملايكة بشويه دينارات حتى عشان هتساعد الساحر، لا لا احنا مندفعش، احنا نعيش ونموت بنحب اللي يضحك علينا. بس الحق مش هو اللي عمل عشوائيات، ولا هو اللي سكن البشر في المقابر ،ولا هو اللي همش شباب ،ولا هو فضل مثبت اسعار وبيدعم دولار، لغاية ما يغرق انفار ولا هو السبب في بلد بقالها كتير ساكنة مبتتحركش ولا فوضى ممنهجة وراء فوضى الحكاية من البداية اننا بقالنا كتير نايمين وبنحلم، ملفات ووزرات بالاسم موجودين وشباب تايهة ،وشباب حاير ،وشباب طموحة لكن ضاع الامل. تيجي انت تفتح كل الأبواب وتطلع كل الملفات وتشغل عقل الشباب !!الست أمنية قدرتها وامنت بعقلها وامرت بشغلها واللي قبل كدة كانوا عبء علينا (قادرون باختلاف)جيت انت وحيتهم وضحكت ودمعت عليهم وقولتلهم حقكم عندنا، لا مش عايزينك انت مش الساحر انت ليه عملت كدة ما كنا بنجري وراء القطر مش عارفين رايحين فين ولا عارفين قيمة نفسنا. فتحت لينا اكاديمية ناصر وطمنتنا على أمننا ،سلحتنا بالوعي شغلت كل الوزارات تحت امرنا. ناس مش شايفة او مش عاوزة تشوف، وناس شايلة هم كبير لكن تايهة بين الكذابين المستهبلين مطلوب ساحر ساحر