- Advertisement -
اضحك في وش الناس بالكدب
قول انك سعيد بالزور
قول انك كتير هزموك
خرجت محب مش مكسور
اضحك في وش الناس و اصعد
جبال أحزان تفوت فيها
و ياما قابلت حب و كدب
و لسه في جعبتك ليها
يا امطار من زمان بتفيض
كل الهزايم عاجزه تصد
و فيك من طهر طفل وليد
و نبل نبي …..اختار ما يرد
-- Advertisement --
اضحك في وش الصمت العاجز
اكسر قيود الصبر يعيد
كل اللي مات. عاش فعلا ساكت
كل اللي، ضحكوا بيخلقوا عيد
وانت السنين عماله تشيلك
غريب وحيد من غير تعريف
اضحك في وش الناس ترضيك
دا مجاش ربيع غير قبله خريف
اضحك في وش الناس بالكدب
قول انك سعيد بالزور
قول انك كتير هزموك
خرجت محب مش مكسور
-- Advertisement --
