فضفضة مع (مها ماهر )

شوف راحتك فين وروحلها

راحتك في الناس، في الشغل، في الأماكن..إلخ

ومترضاش بحاجة أقل منك ولا حاجة بتقل منك ولا بحاجة هتتعبك وتيجي علي حياتك وراحتك النفسية أبداً..

وإتعود تقول لاء لما تحس إن في حاجة بتيجي عليك وحط حدود لنفسك..

“الحدود مبتزعلش غير اللي ناوي يتعداها”

وإعرف حقوقك وطالب بيها..

“الحقوق مبتزعلش غير اللي ناوي ياكلها”

وإوعي إوعي تسمح لحد ينتهك مساحتك الخاصة اللي عملتها لنفسك بأي شكل من الأشكال ولا تسمح لمخلوق يهد طوبة في سور إنت بتبنيه في شخصيتك وحياتك، لأنك ببساطة مش هتعيش الحياة غير مرة واحدة بس ف تعيشها صح عشان ترتاح وتكون سعيد..!