- Advertisement -
انا استاهل اني بتساهل و اقول حباه و هو كمان
و دايما بابقي خسرانه.. و دايما يبقي هو جبان
قصص في القلب متشاله… حنين علي حزن علي اشجان
و كان ناقص اقوله يا ريت.. ما كنت قابلت أقداري
ولا كنت ابتليت ودك…. ولا شفتك ف يوم انسان
انا استاهل.. مافيش معنى لقوله هو ضيعني
كرامتي في نفس ذات الوقت…. تمنعني
انا حبيت و كلي خشوع للحظه كسر ما ممنوع
رأفت بنفسي وقت الجوع…. يا زين ما اختارت و استنيت
-- Advertisement --
انا استاهل…. و انا استغنيت….
رأيت فيك حلم للمجهول… مساحه عشتها ف خيري
مافيش في الحب.. شيئ معقول.. و بكره تشوف زمن غيري
انا استاهل اني بتساهل و انا اللي حاسبت ع المشاريب
زمن مقلوب و متعايب…… في روح تعشق ف روح بتسيب
انا استاهل… اني شفته حبيب
عملت من المشاعر جسر.. و م الفؤاد زهر و عناقيد
و رحله وهم معسوله… كأني بفطرتي الأولي
بأصدق و المشاعر بكر.. بتحلم بالحنين يكبر
اشوف الدنيا احلي معاه و كل الظن يتغير
لكن اسفاه…. انا استاهل اني عشت معاه
و اقول حباه و هو كمان…
و دايما بابقي خسرانه. و دايما يبقي هو جبان
-- Advertisement --
