- Advertisement -
اللي بتضحي مرة بتعيش طول عمرها تضحي..
.. المشاعر والوقت والفلوس وحتي الجدعنه .. لو اسأتي استخدامهم وغرقتي بيهم اللي قدامك بيهدرها ويسئ استخدامها ويعتبرها حق مكتسب
احنا البشر كدا
واوعي تفتكري انك كل ماتدي وتضحي ده بيزود رصيدك عند اللي قدامك .. اطلاقا
انتي بس اللي بتحسي بألم التضحيه وانتي بس اللي بتعيشي فيها .. ماحدش هايتخيل انك ممكن تاخدي من اساسياتك عشان رفاهياته
انتي اللي بتذبلي وتضعفي وتقعي ويوم ماتيجي تسندي عاللي سندتيه كتير اوعي تتفاجئي انك سندتي على هوا واوعي تتفاجئي برد فعله … هو اتصرف بمنتهي الاريحيه ماجاش على نفسه ولا ضغط عليها عشان حد وكل واحد حر في الطريقه اللي يتعامل بيها (ده منطقه) وماحدش ضربك علي ايدك
وخلي بالك اللي بتختار تضحي من الاول بتفضل عايشه كدا طول حياتها تضحي
البوست مش اناني إطلاقا
ده خلاصة تجارب ليا ولناس كتير حواليا في علاقات مع الاخوات او الاصدقاء او الاهل…
حبي وضحي بس بذكاء وخدي حقك قصاد عطاءك ده .. مفيش علاقه متكافئه قائمه على العطاء فقط او الاخذ فقط لازم يبقى فيه عطاء يقابله اخذ يعني من الاخر هات وخد … ريحني واريحك
والعلاقه اللي بتقوم على صفه واحده من دول بتبقى علاقه انانيه طرف واحد فيها بس اللي بيبقي مرتاح .
-- Advertisement --
-- Advertisement --
