- Advertisement -
لكن جوانا صغيرين
رجعوني طفل تاني ………. أنا مش حابب اكون كبير
رجعوا بيتي ومكاني………… رجعوا بيتنا الكبير
رجعوا عمري اللي عدي ……. رجعوا عمري اللي فات
رجعوني يمكن أنسا ……… أي حنين وذكريات
رجعوا كل الحبايب………… رجعوا كل اللي مات
أنا جوايا طفل نايم…………. وبيتفرج من سكات
رافض يكبر او يتغير ……… لعب وأكل وتليفزيون
نفسي في دنيا زي ديا………. طبق الأصل وبالكربون
الزمن ده مش شبهنا………….. ولا بنحب حاجه فيه
لا الزمن لايق علينا…………… ولا احنا كمان لايقين عليه
-- Advertisement --
رجعوا الفرح اللي غاب …… ولمة العيله الجميل
ناكل علي طبليه واحده……… وكله راضي بالقليل
واصحي علي صوت أمي تاني …. إصحى جهزت الفطور
نصحى بدري لمدرستنا ……… نجري نلحق الطابور
كل واحد عنده حلم …….. يخلي كل الضلمه نور
رجعولي صوت ابويا …….. وانا بسمع منه الآيات
وهو بيعلمني أصلي ……….. كانت اجمل ذكريات
كل ذكرى حلوه فاتت……….. مره واحده لاقيتها ماتت
مرت الأيام بسرعه…………. والسنين نستني حلمي
راحت كل حاجه حلوه………. مش باقي منها إلا إسمي
فجأه بصيت في المرايه………شوفت حد تاني غيري
السنين جريت معايا ……….. وهو ده قدري ونصيبي
-- Advertisement --
