- Advertisement -
الي بيفهم معني الدنيا بيبقي ارتاح من هم كبير
ولا بيخاف ع حد يسيبه لايتعب بعده ويتاثر ولا بيخاف ع رزقه يطير.
سعرها ارخص من مظاهرها ولا تستاهل اي مناهده هي يدوبك ساعه واحنا علشان جهله نشوفها كتير.
كفنك مش بجيوب ولا ينفع تاخد حاجه من الايام والي بتفضل هي السيره وبيها بيفتكروك قدام.
مهما ان كنت بسلطه وعزوه برضو هتنزل تحت لوحدك وهيرموك ع الرمل الناعم يفردو جسمك وانت تنام .
مين ياعبيط كمل بفلوسه ومين اختار صحته بالجاه مين مجالوش الموت واصطاده وسابه عشان في عزوه معاه.
الكسبان كسبان بالصالح والاعمال والعمر الطيب والخسران خسران لو يظلم او يفتري ع خلق الله .
فقر النفس اصعب بكتير من فقر الجيب كلها ارزاق ربك عنده الخير والحكمه وبيوزعهم كيف مايشاء .
جوع البطن علاجه بسيط اما الجوع ان كان ف العين صعب يكونله علاج يملاها وده مش جوع وخلاص ده بلاء .
ماتت ناس كانت اغلي الناس واحنا زعلنا عليها شويه بكره هيجي علينا الدور برضو هيبكو علينا شويه .
الانسان طبعه النسبان والي بيفضل ليك ذكراك لحظه محدش مستنيها لاكن نعرف انها جايه .
حوش ناس حلوين يدعولك حوش ناس هتموت فيجولك تبكي عليهم دنيا واخره ولما تسيب وتغيب يدعولك
-- Advertisement --
حوش لحظه تعيش مع اهلك ضحكه بطعم جميل وحقيقي حوش صالح تلقي الصالح غرق كل الناس باصولك.
دنيا ايه الي احنا عليها بنظلم بعض ونخسر اهل نمشي نحوش حاجه ف حاجه وننسي انها هتروح بالسهل
كنز الرحله ف طعم الرحله وبالايام الحلوه معاها بس نقول ايه للانسان والانسان من طبعه الجهل .
ياما خسرنا صحاب بحاجات وياما خسرنا حاجات بصحاب ياما في ناس ف الدنيا عظيمه وكانت اخرتها ف ايه ف تراب عشنا وشوفنا كتير ومازلنا نسيب الاصل ونحضن زور.
ومهما عرفنا صحاب وحبايب برضو بنرجع لسه اغراب
اسال نفسك ايه الدنيا؟
وانت هتضحك ع اوجاعك وانت هترمي الناس والهم بعزم مافيها بعلو دراعك .
وانت هترجع تاني تقرب لله وانت سايبها عليه ولا يفرقلك حد يبيعك ولا يفرقلك حد ازاك
وانت بترضي الناس متنساش ترضي الي خلقهم فيعينك
لو حبك ربك هتلاقي كل الي تشوفهم حبينك.
طول العمر هتفضل تايه ف الايام مش فاهم حاجه بس هتفهم اخر يوم انك ضيف هتزور وتغور
فبلاش تتشعلق ف السلم السلم بيك مش بيك .مكسور
-- Advertisement --
