« رحمة الله فوق كل اعتبار»

يمكن يكون حلمك. نجمة و الله يكون رايدلك قمر .. صدقني المقولة ديه مش بس لفتت أنتباهي و عجبتني…. أنا اختبرتها في حياتي الشخصية…. مدرك الفرق بين النجمة و القمر.؟؟؟

..تفضل تعافر علشان توصل لشئ بسيط و لما تتعثر تحزن و الحزن يكسرك…..بتبقي مش عارف ربنا مخبيلك ايه…

اختيارات ربنا لينا حتي لو متأخرّة، هي الخير و الصالح… هي الأفضل علي الإطلاق… تجري يا أبن آدم جري الوحوش غير رزقك لن تحوش….

لازم تكون متأكد تماما أن لكل شئ تحت السماء وقت…..

انتظر دائما حلول السماء…وده بميعاد.. بوقت محدد..

ديه رحمة من ربنا علشان يراضيك…

حتقع و تقف تاني و هتلاقي وسط الغيمة يد ممدودة لك بتطبطب عليك و بتخدمك كده بلا مقابل….اخيرا هتلاقي اللي يفهمك ويقدرك …هتلاقي باب أتقفل في وجهك و أتكسرت…و أنجرحت.. و أتهنت من ناس ما يعرفوش قيمتك و لا مستواك و لا حتي ثقافتك..و لا تاريخك الناجح المشرف…. مش بس كدة و ما يقدروش يوصلوا أصلا للي وصلت أنت ليه بكفاح و مثابرة …. عارف ليه لأن ربك بيقفل باب وبيفتح ألف باب أحسن منه و بيوقف لك أولاد الحلال يخدموك و يطبطبوا علي قلبك المكسور…و يقولوا لك.

..أحنا مش عنصريين مش بنخدمك علشان أبن منطقتنا و لا يفرق معنا انت مين….و لا دينك ايه…….أحنا بنحبك…أحنا رزق ربنا باعته ليك….. ربك رب قلوب…. الله محبة … ربك مسبب الأسباب….« كل الأشياء تعمل معا للخير للذين يحبون الله.»…مش بتيجي تشكر حد علي خير يقولك..أنا مجرد سبب…. خليك دايما شاكر و حامد علي القليل« و لأن شكرتم لازيدنكم»… كمان أحترس و

لا تجري وراء الوعود الزائفة….زي ما فيه ناس حلوه عايزه تساعدك فيه ناس مش عايزاك تظهر أصلا بالصورة…عايزاك نكره….عايزة تطلع علي أكتافك…متسلقة….عايزة تكسرك..و تهد عزيمتك…تجرح قلبك الطيب….تسفه من تاريخك العطر و أنجازاتك….تحسسك إن كل اللي عملتة غير مرئي و غير محسوس…ناس ما عندهاش سلام نفسي علشان تباركلك…وتفرح لفرحك…لا….مريضة…تتغذي علي إيذائك…و جرح مشاعرك…دموعك بترويهم… بتتمني النعمة تزول منك و تؤول لهم…. ربنا يكفيك و يكفينا شرهم…..ده نقص ….مرض….ضعف إيمان بدل ما يشتغلوا علي أنفسهم، يحطموك و يتفننوا في ده بابتسامة صفراء ….خليهم خلفك وكمل…..ايوة كمل…أعمل نفسك مش واخد بالك….دور علي حلمك…علي اللي شبهك وخلية هدفك.

.قد تكون أحلامك وطموحاتك أبسط مما كتبه الله لك

.. أرضا بالمقسوم.. فالرضا أحساس رائع…ينبع من الداخل….وليس بما تملكة من شئ مادي محسوس فقط….بل هو أحساس بالسعادة والاكتفاء بما تملكة من نعم لا تعد و لا تحصي…..

أحلم و حقق طموحك بس مش علي حساب كرامتك……و لا علي حساب زميلك….. أوعي تسمح لحد يهينك أو يتخطاك….أو يفضل يفكرك بسقطاطك و اخطائك…ويكسر نفسك و يذلك أو يحبس كلمة الحق اللي جواك واللي أتربيت عليها…. .بمنتهي الشجاعة دافع عن نفسك و عن مبدأك….. و قوله إنك إنسان مش ملاك و أنه لو مش شايف الحلو اللي جواك مايستهلكش أصلا..

و لو بعد عمر و سنين حققت أسم و بنيت تاريخ، حافظ عليه…أنت مهم عند اللي خلقك…. عارف ليه لما حد يتوفي…. بنقول ربنا أسترد وديعتة ؟؟. لو تفهم إن أنت وديعة الله حتفضل صاينها من كل شئ حتي من الأهانه…. ما تسمحش لحد يعاملك بطريقة تقلل من قيمتك و لا حتي قدام نفسك…

الفرص كثير و الأصدقاء كثير بس أحسن الأختيار من أولها.. صدق أحساسك…الصوت اللي جواك لانة أغلب الوقت هو الصح.

مش عيب أن المكان اللي مترتحش فيه…. أو مش مرحبين بيك فيه…. أو الشخص اللي ما تحسش معاه براحة حتي لو بعد سنين… بمنتهي الأدب تسيبة و تكمل طريقك… إشتري دايما كرامتك ونفسك.. و راحتك …. بس ما تهربش…. الأول واجه و عرف اللي قدامك غلطتة وحط النقط علي الحروف، وبعدين أرحل مرفوع الرأس…

ربنا رايدلك حاجة أكبر بكتير.

ربنا هينصفك…صدقني بقولها لنفسي قبل ما باقولهالك وتطمينات و تعويضات الله ما لهاش نهاية….. بس أنت قول يا رب.. و أختبر رحمتة الواسعة.