العزف على الاوتار( السيد سالم)

دعيني انا اعزف عليً اوتارك واقول يالي رمتني في بحر الهوي وقلت لي ده قدر المحتوم مش كنت قبل ماترميني تديني عوامه او تعلمني العوم انت بتعزف عليً اوتار من هوا عزف جميل مافهوش لوم انا قبل ما احبك كنت خالي البال يعني سيد القوم دلوقتي ماليش غير الدموع احباب وهمي بقي بالكوم الحب خلاني اقضي معظم ايامي صوم الحب خلاني اصحي زي المضروب علي راسه بالشوم الحب توهني وخلاني نسيت الفرح ونسيت معاه النوم الحب خلاني اتمتم واقول كلام مش مفهوم بعد ما كنت بلبل بغبغان اصبحت مكتوم انا خايف من عزف اوتارك تجنني وتخليني امشي من غير هدوم عزف اوتارك دي ح طيرني في السما وتخليني امسك النجوم انا كنت بغني زي الهوا بعد عزف اوتارك بغني مظلوم انا بحب الحياة ارجوك يا حب ماتوريني الحزن يوم اوعي يا حب تخليني ضحية العزف ده وتهديني لقب مرحوم انا خايف الموت يحرمني من عزف اوتارك واصبح منها محروم انا عايز أسألك سؤال ياحب بس ماتوجهلي اللوم انت سمعت عزف الاوتار دي اللي اغلي من الذهب والكروم ولما بتسمعها بتحس ب ايه انا بحس اني طاير والبلابل حوليه بتحوم اذا مابتسمع لحن الاوتار دي يبقي مالكش عندي لزوم انا عايز حب ينشطني بالالحان مش زي الكسلان اللي واكل ثوم انا عايز حب كله تفاؤل ما فهوش يوم مشئوم انا نفسي في حب هادي يخليني صاحي مش شبعان نوم انا عايز اعيش مع عزف اوتارها اللي تخليني احب الناس وماليش خصوم عايز اعيش مع عزف الاوتار عشان شبابي يدوم عايز اتمتع بالالحان ويبعد عني القدر المحتوم عايز اعيش مع عزف اوتارها وابعد عن بيكا وشاكوش اللي كلامهم سموم عايز اسمع عزف اوتارها كل ثانية مش كل يوم