- Advertisement -
لو تعرف إيه ياقلبي مشاكلك
إنك بتدور ع البايع
وتسيب ف إيدين اللي شاريك
لو نبضك يوم أصبح
ضايع
ع وش الحزن هيِكفِيك
افهمني دي روحك مش ملكك
ليه عليها ف يوم تبقى الجاني
مين غيرك مين هيشيل شيلتك
علشان إنسان أصله أناني
ليه مُصر حياتك تقفلها؟
وتضيع عمرك بإيديك
ومفكر أنه مكملها
مع أنه اللي بيجي عليك
-- Advertisement --
ما تسيبش الحزن يطفيك
ومشاعرك تفضل مُحتلة
من حد مصمم يأذيك
وكإنه عليك ماسك ذلة
دى علاقة أكيد مش طبيعية
من يومها وعايش في متاهة
كل أما تفوق منها شوية
من تاني تشدك جواها
ماانتاش محتاج غير ناس واضحة
في حياتك مشاعرهم شيك
طبيعية.. الوان م الفاتحة
ده الأسود مايلقش عليك
اسمعني وفكر لو يوم فيك
وإياك من تاني تسأل عنه
صدقني ده حبه أصلاً فيك
مش شبهك فبناقص منه
-- Advertisement --
