فضفضة مع (نور عبد الرحمن)

الرزق مش فلوس بس.. أسلوبك الذوق اللي مش بيجرح، وقلبك الأبيض اللي مش بيإذي دول رزق.. إن بالك يكون مرتاح ده رزق.. إن ظروفك تكون مش متظبطة ورغم كده مابتقصرش مع اللي بيلجألك ده رزق.. غطا الستر اللي مضلل عليك في حاجات انت عارف بينك وبين نفسك إنها مصايب ده رزق.. وجود شخص جدع جنبك رزق.. تنقيتك لكل حرف بيخرج منك، ومراعاتك لتأثيره على الناس ده رزق.. إحنا ربنا رازقنا بشوية أرزاق زى الدهب مغطيانا من فوق لتحت وتستحق الشكر عليها مع كل نَفَس.