فضفضة مع منى زايد عويس
مدرس الصحة النفسية والارشاد النفسي بقسم العلوم التربوية والنفسية بكلية التربية النوعية جامعة القاهرة
- Advertisement -
مدرس الصحة النفسية والارشاد النفسي بقسم العلوم التربوية والنفسية بكلية التربية النوعية جامعة القاهرة
ياالله !!!
كل ده يحصل منهم ؟!!
كل ده اتقال عليا ؟!!
ياترى هيبقي شكلهم أيه لما أواجههم باللي عرفته ؟؟؟؟
طيب بس أبدأ ازااى وأبدأ منين ؟؟
قلبي يطنطن مش بيدق وانا بس بفكر ، اومال لما اواجههم هيحصل أيه ؟؟
طيب دموعي اللي نازلة من عيوني دلوقتي بلا ارادة ، اعمل فيها ايه لو خنقتني وحاصرتني وانا بكلمهم ؟؟؟
ياالله يااالله بك اهتدى واستنير….
الحقيقة بقي انا مكسوفالهم ومش زعلانه علي نفسي .
انا زى منا عارفه نفسي وفهماني ، كنت فاهمة اني عارفاهم وقرياهم.
-- Advertisement --
انا زعلانه لاني مش مقتنعة اني بشر لا يرى الا الظاهر فقط ، وتاعبني وغايظني ان في جانب غاب عن عيني ، وربما كان جليا وانا اللي ماخدتش بالي وخانتنى فطنتى.
طيب اذن فين المشكلة ؟ في الكام كلمة اللي اتقالوا ؟ ولا الكام تصرف اللي كل واحد فيهم اعبط من التاني ؟
لاااا المشكلة مشتركة
انا للمرة الالف مبرضاش ببشريتي الناقصة المحجوب عنها ماهو غير مسموح به من صفات وطباع متأصلة او مستجدة!!
وهؤلاء الأخرين لابد ان أقنع ببشريتهم الناقصة مثلي ، فليسوا مطالبين بشيم الملائكة ، فالعصمة لم تُكتب لهم.
اذن انا اسامح نفسي اولا
وأعبر نحوى واتقبل نقصي ثانياً
وغدا لن أواجههم ، لن أكسر أنف بشريتهم واجعلهم في مواجهة حائط النفس المنكسرة بنقصها .
لن أجني سوى حسرة وألما مضاعفا علي عشرتنا وعلي اقتسام الوقت والقوت سوياً،
سأخجل لخجلهم ، وسأنكسر لانكسارهم
سأعبر هذا كله ، وأنجو بهم وبنفسي من صقيع هذا الموقف ، واستعين بانسانيتي واتناسي ، لعلي أكسب القدر اليسير من احترامي لتكويننا البشرى .
-- Advertisement --
