فضفضة مع (صابرين قنديل)

. لما تيجوا تعملوا أصحاب عمر .. صاحبوا ناس أمينة ..
فالصاحب الأمين عليك .. هو مش مجرد صاحب بيحبك… لا ده شخص واعي و مخلص لدرجة انه بيحبك أكتر ما انت بتحب نفسك …..
فهو أمين علي وقتك ، علي فلوسك ، علي مشاعرك .. أمين علي اسرارك ، علي مخاوفك ، علي حلمك…
بيحترم خصوصيتك .. مساحتك الشخصية.. تفكيرك .. بيحترمك قدام الناس.. ما بيأذيش مشاعرك .. ما بيجرحش!
دايما جواه مسؤولية شخصية تجاهك ، انه من واجبه يخلي شكلك كويس ديما قدام الناس …يخليك أنجح و افضل حد في الدنيا .. أكتر انسان مبسوط و مرتاح في الكون .. عشان انتوا صحاب ..!
ياما فيه صحاب جمعتهم الصدفة .. و عاشروا بعض سنين .. و فرقتهم كلمة جارحة في موقف ..
في لحظة .. لا عملوا حساب لعشرة و لا لسنين .. و العيش و الملح هااان…
عشان تقول فلان ده صاحبي .. بيحتاج اكتر من مجرد مشاعر حب و صداقة ..
الصداقة الحقيقية .. بتحتاج لإلتزام .. لاحترام .. لنضج .. لشرف ..لأخلاق!الف تحية للأصيل
الف تحية للصديق والصاحب والحبيب
واللي باقي في حياتنا من غير تغيير
عاش كل شخص حافظ علي الأصالة
وصان العشرة والعيش والملح
عاشت الناس الجميلة اللي حفرت اسمها بفعلها جوانا
و كل وقت معانا رغم البعاد والمسافات ورغم الانشغال موجودة دائمًا بالمواقف والسؤال
مين اللي قال العشرة بالسنين العشرة الحقيقية تكشفها المواقف وتبين مين الحاضر بقلبه ومين وجوده مثل عدمه مجرد صورة وشكل وتمثيل 👇
العشرة مش ناس كثير متجمعة مع بعضها تضحك و تتسليّ
العشرة ناس من قلبها بتسند ناس تحضن فرحهم وتقوي ضعفهم وأول ايدين تتمد لهم في حزنهم
العشرة أمان وونس عمرها ماكانت لمة كدابة ولا مجرد أسامي في حياتنا بأبجديات الحروف علي هواتفنا مكتوبة