- Advertisement -
فضفضة مع / د عطيات الصادق
تعرف أن مميزاتك وقيمك ممكن تكون سبب مشاكلك!
من القيم المهمة عندي جدًا (القبول) يعني أحس أني مقبولة وأحسس الآخر أنه (مقبول) في جميع حالاته.
طبعًا ده بيفيدني في شغلي، لأن في الجلسات والكورسات بكون متقبلة الشخص فبيكون سهل أنه يعبر عن نفسه وبيشعر بأرتياح.
وبيفيدني في علاقاتي لأن الناس بتحس أنها مقبولة فبتفتح قلبها جدًا وبيكونوا على طبيعتهم.
وغيره من المميزات اللي بتعود عليا بسبب قيمة (القبول).
بس من كتر القيمة دي مهمة عندي، في أشخاص مش عيزاهم في حياتي ولكن من أجل فقط أوصله أنه (مقبول) فأضطر أن مخرجهمش وبضغط على نفسي لحد أكون خلاص مش قادرة أتحمل فاخرجهم.
-- Advertisement --
ولما أشخاص بتغلط في حقى وأعاتبهم، بكون soft جدًا في عتابي عشان ميحسوش بالرفض، فاحيانًا من كتر ما بكون soft في أشخاص مش بتدرك حقيقي أنها غلطت.
أحيانًا القيمة المهمة أو الصفة الإيجابية عندك بتكون ميزة ولكن ليها وجه سلبي.
وده ينطبق على أي قيمة أو صفة.
حتى لو كان صدق أو سلام أو رحمه أو الرفاهية أو الغني…
أي قيمة أو صفة لو لم تدركها وتوازنها، برغم أنتفاعك بمميزاتها هتتأذي بسلبياتها.
لو بصيت على معظم مشاكلك هتلاقي سببها مش أنك بتعمل حاجة سلبية، لكن ممكن حاجة إيجابية ولكن غير متزنة.
السحر في الإتزان وعدم الإسراف حتى في الإيجابي.
-- Advertisement --
