- Advertisement -
لو قالوا لك الرجولة ….
بالخشونة تبقى خايب
الخشونة مش بطولة
طبع بيجيب المصايب
كل ست جناحها مرمر
لو راجلها كلامه سكر
وانت بالحنية تقدر
فى الحياة تسوى العجايب
بس كيف تبقى الحنين ؟!!!
للخلايق عيب تبين
انى غالية وليا قيمه
وانى أولى باهتمامك
انت لو جيت للحقيقة
صفر من ١٠ فى غرامك
ايه يقلل فى احترامك
لو فى يوم حنيت عليه
كلمه حلوة او هديه
تخفف الأحمال شويه
ليه تملى الطبع ناشف
زى ما تكون انت حالف
تفضل التكشيرة دوبل
جبت لك ١٠٠الف حجه
-- Advertisement --
وشفت لك ١٠٠ الف عذر
بس والله حرام كفايه
جبت أخرى ما عندى صبر
كل مرة اقول وماله
شغله بيشتت فى باله
والشقا بيهد حيله
لجل ما يأكل عياله
بس برضو انا ليه قلب
محتجالك تبقى جنبى
مره صاحب مره أب
زي ما انا عملالك أمك
تكتئب أقرب واضمك
لو تميل الدنيا اشيلك
وارمى احزانك وهمك
حس بيا وحس روحى
عقلى انا والله هجّ
علمونى أبقى طوعك
ليه مشاعرك بيا تلج
هو أنا جاريه فى مقامك
ابقى ناعيه هم بيتك
الهدية تكون خصامك
انت لو جيت للحقيقة
صفر من ١٠ فى غرامك
-- Advertisement --
