- Advertisement -
سامحني خلاص سامحني ياريت انا غلطان وتوهت وجيت
او
والفرصة التانيه بنستناها واهو بنصلح غلطات بعد ما عيدنا الحسابات…
اتغنوا المطربين و نظم الشعرا كلمات كتير توصف احساس ترجي الفرصة التانية
و قد ايه هتكون هي الأحسن.. و الألطف لناس اتعلمت من اخطائها
الفرصة التانية ممكن تكون امل في حاجات كتير بتمر في حياتنا
في الحفاظ على صحتنا وعلاقاتنا واشغالنا
-- Advertisement --
لكن … مين اتكلم عن الفرصة الاولى
من حق الفرصة الاولى تلاقي اللي يقدرها
ويعرف أنها من الجايز ميكونش في بعدها التانية
من حق الفرصة الاولى تقول لو كان لها صوت
قدروا وجودي…
كنت عاطل جالك الشغل ابذل فيه الجهد وحافظ عليه.
كنت وحيد جالك الونس امسك فيه واحميه من فكرة الضياع
جالك فرصة تخلف.. حب اولادك
جالك فرصة تحضر الاعياد وربنا ادالك العمر
احيي قلبك فيها بالفرحة متلهيش قلبك عنها بالتفكير في احزان
ناس كتير بتستهتر بالمسكينة الفرصة الاولى
ولما تروح … يتقطعوا وهما بيتمنوا معجزه تجيب الفرصة التانية.
ويقولوا المره دي هنحافظ
مرارة الندم… علقم
والفرصة الاولى نعمة كبيرة
لو جاتلك الفرصة التانية لأي شيء
شغل.. دراسة.. علاقات اجتماعية
أفرح بعوض الله
ولو انت في الفرصة الاولى…
حافظ على نعم الله
-- Advertisement --
