- Advertisement -
أردموا على العلاقات اللي رممتوها مليون ألف مرة ومحوقش فيها ..
أردمو عالناس اللي فاكرة نفسها مبتغلطش و فاكرة نفسها اولياء صالحين ومظلومين ومقهورين ع الناس اللي ظلموا ووجعوا ووقفوا في صف الباطل وجريوا يبكوا دموع تماسيح عشان يكسبوا شفقة الناس ..
أردموا عاللي بيمسكوا في رد الفعل الأخير وبيسيبو مرارة أفعالهم المتراكمة مدى سنين طويلة ..
أردموا ومتدخلوش معاهم في عتاب ..
-- Advertisement --
دي علاقة غير قابلة للصلح أو العلاج .. دي علاقة دخلها سرطان شرس ومافيهاش أمل في الحياة تاني..
لو عاوزين يطلعوكو وحشين اختصرو عليهم المسافة وقولهم “احنا أوحش خلق الله” ودور وشوشكم وأمشوا أمشووا ..
هو أنتو لسه هتبرروا وتفهِّموهم وتستنوهم يعذروا ويفهمو؟!
دول آخر ناس يجبروا الخواطر !!
نولوهم مُرادهم في فقدكم .. ومتريحهومش بإثبات العكس طالما هما عاوزين كده .
لأنك لو عشت العمر كله تقيد صوابعك العشرة شمع .. ويوم انطفت شمعة .. هاينسوا العُمر وهيفتكروا الشمعة اللي أنطفت بس !!
أعدموا العتاب والذكريات .. طالما أنكو حافظتو كتير أوي ومانفعش .. يبقى الأكيد أنكو لما مشيتوا كنتو عارفين إنه مفيش سكة رجوع
-- Advertisement --
